Bible

1 下背係以色列逐家族个族長、帶領千人㧯百人軍隊个軍官，㧯王指派做行政个官長个名單。佢等逐年照月輪流值班，逐組有一個軍官指揮；逐組人數係兩萬四千儕。 23 大衛王無調查二十歲以下人民个數目，因為上主識應許愛使以色列人个數目像天頂个星仔恁多。 24 約押(阿姆係洗璐雅)開始調查戶口，總係無查完。上帝因為這件戶口調查个事責罰以色列，所以調查个總數無登記在大衛王个官方記錄。 32 大衛王个阿叔約拿單係一個有智慧个顧問，也係一個經學專家。哈摩尼个孻仔耶歇負責該兜王子个教育。 33 亞希多弗也係王个顧問。亞基人戶篩係王个朋友㧯參謀。 34 亞希多弗死掉以後，亞比亞他㧯比拿雅个孻仔耶何耶大接等佢做顧問。約押做王家軍隊个元帥。